DORTMUND, 10 maj /ATSH-DPA/ – Një 49-vjeçar iu largua policisë me një monopatinë elektrike dhe me më shumë se 25 kilometra në orë, në qytetin gjerman të Dortmundit, gjë që i kushtoi marrjen e patentës.
“Qytetari po lëvizte në një trotuar dhe pothuajse u përplas me një këmbësor disa herë”, njoftoi policia.
“Përveç kësaj, personi shfaqi shenja të përdorimit të drogës”, tha një zëdhënës i policisë.
Sipas policisë, monopatina elektrike konsiderohet ligjërisht si një mjet motorik, prandaj oficerët e policisë i konfiskuan lejen e drejtimit 49-vjeçarit, si edhe monopatinën./ /ervo/
