Autoritetet mbikëqyrin ricertifikimin e ”Boeing” 737 Max

UASHINGTON, 21 prill /ATSH-DPA/ – Departamenti i Transportit të SHBA kërkon të hedhë një vështrim tjetër në procesin e mbikëqyrjes për ricertifikimin e aeroplanit të famshëm të pasagjerëve ”Boeing” 737 Max.

Pas dy aksidenteve në Indonezi dhe Etiopi, që rezultuan me 346 vdekje, shkaku kryesor i tyre u konsiderua të ishte softueri i gabuar i kontrollit që drejtonte avionët në tokë.

”Ne ndërmorëm një seri rishikimesh në lidhje me certifikimin dhe mbikëqyrjen e sigurisë të këtij tip avioni”, deklaroi Departamenti i Inspektorit të Përgjithshëm të Transportit.

“Qëllimi ynë është të vlerësojmë proceset dhe procedurat për ‘Boeing’ 737 Max”, deklaroi Eric Soskin, inspektor i përgjithshëm i Transportit. /os/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.