Gates: Planeti do të shpëtohet vetëm kështu

NJU JORK, 12 prill /ATSH/ – Në lojën e miliarderëve të teknologjisë, ku ka nga ata që bëjnë ekspedita në Mars dhe ata në Hënë, Bill Gates gjithmonë ka zgjedhur për vete një lojë që është ndoshta më pak emocionuese për tifozët, por jo saktësisht dytësore: shpëtimin e botës, shkruan faqja vanityfair.it

Themeluesi i Microsoft, së bashku me gruan e tij, me fondacionin e tyre ”Bill & Melinda Gates”, i janë përkushtuar për më shumë se 20 vjet çrrënjosjes së sëmundjeve vdekjeprurëse, varfërisë dhe urisë.

”Mënyra e vetme për të shmangur katastrofën është që ne tërësisht të zerojmë emetimet e gazrave serrë deri në vitin 2050. Është e qartë se do të jetë shumë e vështirë”, thotë ai.

”Të shkosh në zero do të thotë të ribësh të gjithë ekonominë fizike: mënyra si i bëjmë gjërat, si të prodhojmë energji elektrike, të rritemi, të lëvizim produktet rreth planetit dhe ngrohim dhe ftohim ndërtesat tona, me zero emetime”, thekson Gates.

Gates parashikoi pandeminë.

Në vitin 2015 ai tha se nuk do të ishim në gjendje të menaxhonim një pandemi globale, sepse nuk ishim të organizuar. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.