TIRANË, 1 prill /ATSH – I. Vata/ Në Ditën e Ndërgjegjësimit Botëror për Autizmin, Kuvendi i Shqipërisë vazhdon traditën e mbështetjes së iniciativës “Ndriçimi Blu”.
Me rastin e 2 Prillit, Ditës së Ndërgjegjësimit Botëror për Autizmin, Kuvendi i Shqipërisë, nën kujdesin e Kryetarit të Kuvendit, Gramoz Ruçi, edhe këtë vit do të mbështesë iniciativën për “Ndriçimin Blu” të fasadës së godinës në bulevardin “Dëshmorët e Kombit”.
Kjo fushatë ndërgjegjësuese organizohet në vende të ndryshme të botës, ku ndërtesat historike, kulturore dhe institucione të rëndësishme shtetërore ndriçohen me ngjyrën blu, në shenjë solidarizimi për çrregullimin e spektrit të autizimit.
/r.e/
