TIRANË, 19 mars/ATSH/ Mediet kanë publikuar një video të përplasjes së ish-deputetit të PD-së, Luciano Boçi me biznesmenin Gjergj Luca, ngjarje kjo e ndodhur një ditë më parë në Elbasan.
Siç shihet qartë edhe nga pamjet në këtë video, Boçi i cili është kandidat për deputet u PD-së në Elbasan godet me grushta sipërmarrësin Luca.
Gjithashtu në video shihet qartë momenti kur ish-deputeti Boçi, i shoqëruar nga nipi Ird Kazai dhe miku i tij Kristaq Piu, pasi ka goditur biznesmenin, i vjedh atij telefonin.
Pas kësaj ngjarje ndodhur në Labinot, Boçi dhe Luca kanë bërë kallëzim ndaj njëri-tjetrit në Prokurori.
Partia Demokratike reagoi dje me pretendimin se ish-deputeti Boçi ishte rrahur.
/r.e/
