TIRANË, 13 shkurt/ATSH/- Kryeministri Edi Rama deklaroi sot se mandati i tretë qeverisës është një stacion për të konfirmuar vazhdimin e punëve të nisura.
Gjatë një bashkëbisedimi me qytetarët e Tiranës, Rama tha se: Fitohet beteja e drejtësisë pa mandatin e tretë tonin, fitohet dot? Fitohet dot me mandatin e 5 të PD-së?”. Ajo që pamë javës që shkoi me gjykatësen e Krujës, me mjekun, shef i pavjonit, të kthehet në një ngjarje që nuk është një ngjarje në 100 vjet, por që ndodh sa herë duhet goditur korrupsioni, sa herë duhet goditur e keqja. Fitohet dot? Fitohet dot beteja me drejtësinë me këta që bëjnë takime me prokurorët dhe gjykatësit e hequr nga vetingu dhe që i turren edhe SPAK-ut mbasi del vendimi për arrestimin e gjykatëses së Krujës”.
“ Fitohet me këta që do t’i shikoni, do t’i keni edhe nëpër lista. Sidomos te lista e presidentit. Nuk do të çuditem fare po të shoh ndonjë prokuror që e ka hequr vetingu të shfaqet si “luftëtar i lirisë dhe i integrimit”. Por edhe në mos qofshin në lista, janë një nga grupet me aktive”, theksoi Kryeministri Rama.
