Ato do të vazhdojnë deri të premten dhe një takim është parashikuar me kryenegociatorëve, Michel Barnier dhe David Frost, sipas të njëjtave burime.
Presidentja e Komisionit Europian, Ursula von der Leyen dhe kryeministri britanik, Boris Johnson ranë dakord për të përshpejtuar negociatat, në përpjekje për të arritur një marrëveshje mbi marrëdhëniet post-Brexit, ndërkohë që negociatat janë bllokuar dhe koha po kalon.
Europianët kërkojnë arritjen e një marrëveshjeje deri në fund të tetorit, por nuk ka asnjë progres të dukshëm në përafrimin e pikëpamjeve në tre çështje që shqetësojnë, peshkimi, ndihma publike dhe qeverisja e marrëveshjes, pas nëntë seancash negociatash në Londër dhe Bruksel.
Londra vendosi si datë përfundimtare 15 tetorin, datë e një samiti europian në Bruksel.
Pavarësisht thirrjes për të përshpejtuar bisedimet pasi data 31 dhjetor, që do të shënojë fundin e periudhës së tranzicionit midis BE dhe ish-shtetit të saj anëtar po afron, kryeministri britanik theksoi të dielën se vendi i tij mund të jetonte shumë mirë edhe me një “no deal”.
Sipas një zyrtari të lartë europian, kjo ndjenjë ka filluar gjithashtu të shfaqet edhe mes 27 vendeve të BE-së.
Një dështim në arritjen e një marrëveshjeje për marrëdhënien e ardhshme do të kishte pasoja potencialisht shkatërruese në ekonomitë, tashmë të prekura nga pandemia./ /ec/
