BERLIN, 24 gusht /ATSH-DPA/ – Paketa e rimëkëmbjes e BE-së për të kundërshtuar efektet ekonomike të pandemisë është një masë e kufizuar, sipas mendimit të kancelares gjermane Angela Merkel, tha sot zëdhënësi i saj zyrtar, Steffen Seibert.
“Përgjigjja e dakorduar bashkërisht nga BE-ja ishte një masë e jashtëzakonshme për të adresuar situatën e jashtëzakonshme në të cilën gjendet BE”, shtoi Seibert.
“Fuqitë e lejuara Komisionit Europian për të huazuar në tregjet e kapitalit në emër të Bllokut në tërësi ishin qartësisht të kufizuara, përsa i përket kohëzgjatjes dhe qëllimit dhe kanë për qëllim vetëm trajtimin e krizës aktuale”, theksoi ai.
Krerët e 27 vendeve anëtare të Bllokut ranë dakord një muaj më parë për një program krize prej 750 miliardë eurosh, me 390 miliardë euro të shpërndara si grante të drejtpërdrejta dhe 360 miliardë euro si kredi që duhen shlyer./ /ervo/
