TIRANË, 14 korrik/ATSH/ Klubi i Ambasadorëve të Natyrës i Këndit Amerikan në Tiranë organizoi një takim për të mirëpritur anëtarët e rinj dhe për të falenderuar të gjithë grupin për punën e jashtëzakonshme që kanë bërë përgjatë vitit, sidomos në momentet pas tërmetit dhe gjatë pandemisë.
Në këtë takim së bashku me të rinjtë ishin edhe ambasadorja e Shteteve të Bashkuara të Amerikës, Yuri Kim dhe kryetari i bashkisë së Tiranës Erion Veliaj, bën të ditur ambasada e SHBA në Tiranë.
Ambasadorja Kim dhe kryetari i Bashkisë Veliaj i falenderuan ata për rolin e tyre në angazhimin qytetar dhe përpjekjet për ta bërë komunitetin një vend më të mirë.
“Ne presim me padurim të shohim se çfarë do të arrijnë këta të rinj në vitin në vijim”, thekson Ambasada e SHBA. /a.a/r.e/
/gj.mima/
