LONDËR, 13 korrik /ATSH-DPA/ – Qeveria britanike do të njoftojë përdorimin e detyrueshëm të maskave në dyqane, siç është vendosur tashmë në Skoci, deklaroi kryeministri Boris Johnson gjatë një vizite në shërbimin ambulator të Londrës.
Aktualisht në Angli ka një detyrim për përdorimin e maskës vetëm në transportin publik dhe në spitale, ndërsa në vende të tjera vetëm rekomandohet.
Një ditë më parë, Johnson e kishte përsëritur detyrimin e përdorimit, ndërsa dje një nga ministrat e tij, Michael Gove e frenoi idenë duke iu referuar një “sensi të përbashkët të njerëzve”.
Vetë kryeministri përsëriti se një vendim për përdorimin e detyrueshëm në fakt pritet së shpejti, bazuar në vlerësimet e konsulentëve.
Jo vetëm kaq, pasi, sipas Johnson, përdorimi do të detyrohet në të gjitha hapësirat publike.
“Në dyqane besoj se njerëzit duhet të mbulojnë hundën dhe gojën”, theksoi ai. /os/
