Facebook Instagram X
English Francaise
Ballina Bota

PEKIN – Zero raste me COVID-19 për herë të parë që prej qershorit

Nga
Axhencia Telegrafike Shqiptare
-

PEKIN, 7 korrik /ATSH-AFP/ – Pekini njoftoi sot zero raste me COVID-19 gjatë 24 orëve të fundit në kryeqytetin kinez, për herë të parë që prej një rishfaqjeje të epidemisë muajin e kaluar, që rriti frikën për një valë të dytë.

Një total prej 335 personash është prekur nga kjo sëmundje që prej zbulimit të një vatre kontaminimi në fillim të qershorit në një treg në jug të qytetit.

Komisioni i shëndetësisë theksoi se kishte regjistruar vetëm një rast mbartës asimptomatikë me koronavirus.

Autoritetet ende po përpiqen të përcaktojnë shkaqet e rishfaqjes së epidemisë. Një zyrtar i  tregut të Xinfadit, kishte treguar se virusi ishte zbuluar në mjetet që shërbenin për të prerë salmonin e importuar.

“Që nga 11 qershori, bashkia e qytetit ka  bërë depistimin e më shumë se 11 milionë personave, rreth gjysmën e popullsisë së Pekinit”, theksuan zyrtarët komunal në një konferencë për shtyp./ /ec/

Sipas Ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar Agjencinë Telegrafike Shqiptare.
Artikulli paraprakKINË – TikTok ndërpren shërbimin në Hong Kong
Artikulli tjetër195 infektime të reja në 24 orë/ Kosova me rreth 1700 raste aktive me COVID-19

ARTIKUJ TË NGJASHËMMË SHUMË NGA AUTORI