BRAZILIA, 3 korrik /ATSH-AFP/ – Presidenti brazilian, Jair Bolsonaro, lehtësoi sot një ligj për përdorimin e maskës në vende publike kundër përhapjes së koronavirusit të ri, duke e bërë atë jo të detyrueshëm në dyqane dhe vende kulti.
Sipas Fletores Zyrtare, kreu i shtetit e dekretoi këtë ligj të miratuar nga Kongresi, i pari që rregullon përdorimin e maskës në nivel kombëtar, por ushtroi të drejtën e tij të vetos për të përjashtuar disa nene.
Njëri prej tyre përcaktonte, në veçanti, detyrimin për të vënë një maskë në vendet e kultit ose institucionet industriale dhe tregtare.
Ai, gjithashtu, fshiu një nen që i detyronte bizneset dhe mjediset industriale t’u siguronin maska falas punonjësve të tyre, si edhe një tjetër, që përcakton se autoritetet publike duhet t’i shpërndajnë ato te popullatat ekonomikisht të cënueshme.
Prej disa javësh, përdorimi i maskës është bërë tashmë i detyrueshëm në shumë shtete, me dekrete të marra nga qeveritarët./ /ervo/
