ZYRIH, 9 maj /ATSH-ANSA/ – Zvicra ka nisur një aplikacion të istaluar në smartfonë, i krijuar enkas për të gjetur personat potencialisht të infektuar me Covid-19.
Në të njëjtën kohë, klientët që dëshirojnë mund të lënë emrin dhe numrin e tyre të telefonit për të hyrë në restorante, të cilat do të rihapin dyert të hënën.
Në fillim parlamenti kundërshtoi planet fillestare të qeverisë për fillimin, duke vendosur që aplikacioni nuk mund të përparonte pa një bazë të përshtatshme ligjore, ndërsa Adrian Lobsiger, zyrtari i qeverisë për mbrojtjen e të dhënave, tha se ”nuk ka asnjë bazë ligjore për detyrimin e pronarëve të restoranteve për të identifikuar klientët e tyre”.
”Faza pilot, e cila pritet të zgjasë deri më 31 maj, do të kufizohet për një grup specifik të popullatës”, tha ministri i Shëndetësisë Alain Berset./ /os/ a.jor.
