FOKUS – Samiti i Zagrebit riafirmon pespektivën europiane të Ballkanit

ZAGREB, 6 maj /ATSH-ANSA/ – Zhvillohet sot në Zagreb samiti mes BE-së dhe vendeve të Ballkanit Perëndimor që aspirojnë të anëtarësohen në Union.

Për shkak të urgjencës shëndetësore të pandemisë së COVID-19, rreth 40 liderë europianë do të mblidhen në një videokonferencë të organizuar nga kryeministri kroat, Andrej Plenkoviç, vendi i të cilit mban presidencën e radhës së Këshillit Evropian.

Presidentët dhe kryeministrat e Shqipërisë, Bosnje-Hercegovinës, Kosovës, Maqedonisë së Veriut, Malit të Zi dhe Serbisë do të marrin pjesë në konferencë, së bashku me drejtuesit e 27 vendeve anëtare dhe përfaqësuesit më të lartë të Bashkimit Europian.

“Bashkimi Europian është partneri më i rëndësishëm për rajonin e Ballkanit Perëndimor dhe kjo video konferencë do të theksojë rëndësinë e marrëdhënieve unike BE-Ballkani
Perëndimor”, njoftoi Këshilli i BE-së.

BE ka vendosur të ndihmojë rajonin me 3,3 miliardë euro të shpërndara në
gjashtë vende të rajonit në shenjë solidariteti./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.