ZAGREB, 27 mars /ATSH-MIA/- Në Kroaci sot janë regjistruar vetëm 14 raste të reja të personave të infektuar me koronavirus, deklaroi Shtabi i Mbrojtjes Civile kroate.
Numri i përgjithshëm i të infektuarve në vend ka arritur në 495, edhe 22 pacientë kanë lënë spitalin për shkak se janë shëruar duke rezultuar negativë nga COVID-19.
Ministri i Shëndetësisë Bili Berosh deklaroi se tashmë kjo është dita e katërt radhazi që numri i të infektuarve po ulet.
Kroacia sot e regjistroi viktimën e dytë me COVID-19, bëhet fjalë për një të moshuar i cili më herët ka pasur sëmundje kronike. /os/
