GJERMANI – Lagarde: Bisedimet BE-SHBA sinjal pozitiv

FRANKFURT, 23 janar /ATSH-AFP/- Takimi i së martës, në Davos, mes Donald Trump dhe Ursula von der Leyen është një sinjal pozitiv për të zgjidhur tensionet tregtare amerikano-europiane, vlerësoi sot presidentja e Bankës Qendrore Europiane, Christine Lagarde.

“Toni dhe vendosmëria e të dyja palëve duhet të merret si një sinjal pozitiv”, tha Lagarde, ndërkohë që optimizmi i shfaqur nga von der Leyen për mundësitë e arritjes së një marrëveshje tregtare brenda disa javësh befasoi shumë burime europiane.

Në një kohë kur Kina dhe SHBA sapo kanë nënshkruar një armëpushim tregtar, Donald Trump rifilloi armiqësitë kundër europianëve, duke përmendur përsëri të mërkurën kërcënimin për vendosjen e taksave ndëshkuese për makinat europiane./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.