GJENEVË, 15 janar /ATSH-AFP/ – Zviceranët do të votojnë më 17 maj për përfundimin e marrëveshjes për lëvizjen e lirë me Bashkimin Europian, kërkuar nga e djathta popullore por hedhur poshtë nga qeveria, sipas kalendarit zgjedhor të vendosur të mërkurën.
Zvicra drejtohet nga një sistem demokratik gjysmë i drejtpërdrejtë që mundëson për popullin kalimin e ligjeve në referendume popullore, të quajtuara nisma. Nëse ato miratohen, përfshihen më pas në Kushtetutë.
Gjatë seancës së përjavshme, qeveria ka vendosur më 17 maj votimin e iniciativës popullore “Për një imigracion të moderuar” që kërkon që Zvicra të zgjidhë në mënyrë autonome imigracionin e të huajve dhe që, nëse pranohet, do të çonte në përfundimin e marrëveshjes për lëvizjen e lirë të personave mes Zvicrës dhe BE-së.
Zvicra ka nënshkruar një marrëveshje në 1999 për lëvizjen e lirë me BE-në. Edhe pse Zvicra nuk është shtet anëtar i Bashkimit Europian, që prej asaj kohe qytetarët e BE lejohen të migrojnë në Zvicër thuajse pa kufizime./ /ec/
