POLONI – Kryeqyteti dimëror ndalon hedhjen e fishekzjarreve

VARSHAVË, 24 dhjetor /ATSH-DPA/ – Qyteti Zakopane në malet Tatra, i quajtur kryeqyteti dimëror i Polonisë, ka ndaluar hedhjen e fishekzjarreve në vendet publike, njoftoi sot media lokale.

Ky ndalim, që nuk është i vlefshëm për pronat private, do të hyjë në fuqi para natës së Vitit të Ri, sipas një rezolute të këshillit të qytetit Zakopane.

Autoritetet përmendën shqetësimet për sigurinë nga zjarri si një ndër arsyet për këtë ndalim, ngaqë qyteti është i mbushur me shtëpi tradicionale prej druri, si edhe mirëqenien e kafshëve shtëpiake dhe të egra.

Megjithatë, fishekzjarret kanë qenë prej kohësh një element i domosdoshëm i festimeve të Vitit të Ri në Poloni. / /sara/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.