TIRANË, 27 nëntor /ATSH/- Qytetarët e Gjirokastrës, janë solidarizuar me familjet e prekura nga tërmeti që goditi të martën vendin tonë dhe po vijojnë të sjellin ndihma ushqimore dhe veshmbathje për ta.
Bashkia Gjirokastër bën të ditur se, ndihmat po vijnë pa reshtur tek Pallati i Sportit të qytetit.
Kjo mbështetje tregon solidaritet dhe gatishmëri për t’ju gjendur pranë familjeve që janë prekur nga tërmeti.
