TIRANË, 14 tetor/ATSH- Arbi Fortuzi/ Kryetarja e Komisionit të Sigurisë, Deputetja e Partisë Socialiste, Ermonela Felaj ka inspektuar punimet për godinën e re të Drejtorisë së Policisë Vendore të Qarkut Shkodër.
E shoqëruar nga Deputetë të tjerë të Komisionit të Sigurisë, Deputetja Felaj u ndal dhe te rezultatet e arritura nga polica e Shkodrës në 9-mujorin e parë të vitit 2019.
“Në Drejtorinë e Policisë së Qarkut Shkodër, për rezultatet e punës për nëntëmujorin 2019, për nevojat për kapacitete njerëzore dhe materiale të shtuara, për investimin e Qeverisë për godinën e re të Drejtorisë së Policisë, një investim i cili do duhet te pasohet me investime në komisariate dhe stacione të ndryshme policore, jo vetëm në Shkodër por edhe në disa qytete të tjera të Shqipërisë”-, bën të ditur Felaj.
“Rëndësia e gjithçkaje kuptohet më mirë kur i prek këto institucione, kur flet me njerëzit, ballafaqon të dhënat, qoftë edhe për të kuptuar sesi mund dhe duhet të përdoret më mirë paraja publike”-, nënvizoi Felaj.
