TIRANË, 23 shtator/ATSH/- Grupet e punës janë në terren për të vlerësuar gjendjen në familjet e prekura nga tërmeti i rënë dy ditë më parë në Durrës dhe Tiranë.
Lajmi u bë i ditur për ATSH-në nga Prefekti i qarkut të Durrësit, Roland Nasto.
“Inxhinierë, përfaqësues të bashkisë dhe njësive administrative kanë dalë mëngjesin e sotëm në terren për të vlerësuar dëmet e shkaktuara nga tërmeti”, tha Nasto për ATSH.
Prefekti sqaron se “80 persona e kanë kaluar natën në konvaleshencën e Ministrisë së Brendshme në Durrës dhe 40 në atë të Ministrisë së Mbrojtjes, ku u është ofruar ndihmë”.
Sipas tij, vëmendja jonë është maksimale për t’iu gjendur pranë familjeve të prekura.
/k.s/ /a.g/
