BRUKSEL, 10 shtator /ATSH-DPA/ – Presidentja e zgjedhur e KE, Ursula von der Leyen paraqet sot ekipin e saj të zyrtarëve të lartë për pesë vitet e ardhshme.
Të hënën, Von der Leyen, ish-ministrja gjermane e Mbrojtjes dhe gruaja e parë që drejton komisionin, emëroi anëtarët e ekipit të saj, por jo postet e tyre.
Lista përmban 13 gra, përfshirë vetë atë dhe 14 burra. Barazia gjinore ishte një nga prioritetet e saj kryesore.
Shtetet anëtare kanë kërkuar poste me peshë të madhe ekonomike. Përveç von der Leyen-it, i vetmi përcaktim tjetër i bërë para kohe është kreu i politikës së jashtme të BE-së, ministri i Jashtëm spanjoll Josep Borell.
Përbërja përfundimtare do të përcaktohet nga Parlamenti Europian, i cili do të votojë për paketën e plotë./ /ervo/ a.jor.
