TIRANË, 8 shtator /ATSH/- Korsia e emergjencave nuk mund të përdoret nga çdo mjet, por për çdo shkelje qytetarët mund të denoncojnë me foto përmes Komisariatit Dixhital.
Ministria e Brendshme bën të ditur se që nga krijimi i aplikacionit ‘Komisariati Dixhital”, 181,208 denoncime janë bërë nga qytetarët për shkelje të rregullave nga ana e drejtuesve të automjeteve.
”Korsia e emergjencave nuk mund të përdoret nga çdo mjet. Edhe nëse nuk ka aty një patrulle policie, mjafton denoncimi me foto përmes Komisariatit Dixhital në anonimitet dhe shkelja ndëshkohet. 181,208 denoncime nga qytetarët, që nga krijimi i aplikacionit. Komisariati Dixhital – Policia në dorën tënde”, apelon ministria e Brendshme.
