TIRANË, 28 gusht/ATSH/ Në kalatat portuale vijon me ritëm të lartë përpunimi i volumit të mallrave edhe përgjatë kësaj jave.
Ditën e sotme sasia e përgjithshme e mallrave që po përpunohen në portin më të madh të vendit arrin në 28.994 tonë.
“Dy anije po shkarkojnë 8337 tonë grurë, ndërsa një tjetër e akostuar në kalatën 11 po shkarkon 20657 tonë skrap. Në radë ndodhen tri anije, ndërsa 5 anije të tjera priten në orët në vijim të mbërrijnë në portin e Durrësit”, bën të ditur Autoriteti Portual Durrës.
APD ka marrë të gjitha masat për mbarëvajtjen e punës dhe krijimin e kushteve të nevojshme për përpunim të shpejtë dhe efikasitet në shërbimet portuale. /k.s/j.p/
