ROMË, 22 gusht /ATSH-ANSA/ – Italia nuk mund t’i lejojë vetes të humbasë kohë me një qeveri që zihet, theksoi lideri i Ligës, Matteo Salvini, në “Quirinale” pas konsultimeve me presidentin e republikës.
“Zhvillova një bisedë të bukur, jam i lumtur që jam në krye të një force të bashkuar. Kemi zgjedhur t’i tregojmë italianëve ato që nuk shkojnë”, tha Salvini.
“Një marrëveshje kundër, mes PD-së (e majtë) dhe L5Y-së (Lëvizja 5 Yjet), është politika e vjetër. Nuk mendoj se Italia ka nevojë për një qeveri kundër”, vazhdon lideri i Ligës në përfundim të konsultimeve me presidentin italian, Sergio Mattarella. /G.S/
