TIRANË, 12 prill /ATSH/ – Shqipëria mbështet Procesin e Berlinit si një mekanizëm mbështetës që nxit bashkëpunimin ekonomik rajonal, ndërlidhjen dhe procesin e integrimit të vendeve të Ballkanit Perëndimor në BE.
Ministri në Detyrë për Europën dhe Punët e Jashtme, Gent Cakaj, po merr pjesë në takimin e Ministrave të Jashtëm të vendeve të Procesit të Berlinit, i cili po zhvillohet në Varshavë të Polonisë.
Në takimin e organizuar nga Presidenca polake e Procesit të Berlinit, marrin pjesë, ndër të tjerë, edhe zyrtarë të Komisionit Europian, të Shërbimit të Jashtëm të BE-së, dhe të Zyrës Rajonale të Bashkëpunimit Rinor (RYCO).
/gj.mima/ /a.g/
