TIRANË, 1 prill /ATSH/- “Shqipëria ka bërë progres në fushën e reformës në drejtësi dhe luftës kundër korrupsionit”, deklaroi Kryetar i Komitetit për Marrëdhëniet me Europën në Senatin Çek senatori Hampl, gjatë një takimi me Nënkryetaren e Kuvendit, Vasilika Hysi, e cila zhvilloi një vizitë në Pragë.
Gjatë vizitës, Hysi dhe ambasadori Kuka zhvilluan një takim me senatorin Hampl – kryetar i Komitetit për Marrëdhëniet me Europën.
Senatori Hampl u shpreh për efektin pozitiv që kanë reformat dhe progresi që ka bërë Shqipëria në fushën e reformës në drejtësi dhe luftës kundër korrupsionit.
Hysi e falenderoi senatorin Hampl për mbështetjen e vazhdueshme që Senati dhe Qeveria Çeke po i japin Shqipërisë në rrugën e integrimit europian. Bashkëbiseduesit ranë dakord që të vazhdonin shkëmbimet e vizitave të grupeve të parlamentare reciproke.
/gj.mima/ /a.g/
