HAGË, 20 mars /ATSH-ANSA/ – Përpara Gjykatës së Hagës, ku do të jepet sot vendimi përfundimtar kundër ish-liderit politik të serbëve të Bosnjes, Radovan Karaxhiç, familjarët e viktimave dhe përfaqësuesit e shoqatave boshnjake kanë shpalosur një pankartë, ku ky i fundit krahasohet me diktatorin nazist, Adolf Hitler.
”Radovan Karaxhiç – gjenocid – Adolf Hitler – Holokaust”, lexohej në pankartë.
Policia ndërhyri dhe kërkoi heqjen e saj, por deri tani boshnjakët dhe ”Nënat e Srebrenicës” kanë refuzuar.
Tre vjet më parë, Kartaxhiç u dënua me 40 vite burg për gjenocid, krime lufte dhe mizori të tjera gjatë Luftës së Bosnjes (1992-1995)./ a.jor.
