TIRANË, 23 janar/ATSH/-Përmes programeve të ndryshme sociale, shumë individëve me aftësi të kufizuar u jepet ndihmë për ta bërë jetesën më të lehtë.
Një rast i tillë është edhe ai i 15-vjeçarit nga Lezha, i cili haste vështirësi deri në pamundësi për të shkuar në shkollë pasi karroca e tij e vjetër tashmë ishte shumë e vogël.
Drejtoria Rajonale e Shërbimit Social Shkodër, përmes partneriteteve të krijuara, arriti brenda një kohe të shkurtër t’i siguronte djaloshit karrocën e re, për të lehtësuar jetesën e tij.
“Ne jemi gjithmonë gati për të ndihmuar qytetarët që trokasin në dyert e institucioneve tona kudo në Shqipëri. 15-vjeçari nga Lezha, të cilin e shihni në fotot e mëposhtme, haste vështirësi deri në pamundësi për të shkuar në shkollë pasi karroca e tij e vjetër tashmë ishte shumë e vogël”, -bën të ditur Shërbimi Social. /a.g/
