BEOGRAD, 15 dhjetor /ATSH-ANSA/ – Dëbora e rënë me bollëk ka krijuar probleme me qarkullimin në rajonin e Ballkanit, në veçanti në Malin e Zi dhe Bosnje-Hercegovinë.
Dëbora dhe akulli kanë qenë shkaktarët e disa aksidenteve rrugore duke përfshirë edhe dy autobusë, që dolën nga rruga në Bosnje-Hercegovinë duke shkaktuar lëndime të shumta në njerëz.
Aeroporti i Podgoricës, kryeqyteti i Malit të Zi, mbeti i hapur në faza të alternuara me disa fluturime të devijuara në aeroportet e tjera të rajonit.
Nga ana tjetër, situata në Serbi është përmirësuar dhe intensiteti i dëborës ka rënë dhe temperaturat kanë shënuar rritje./ /os/ a.jor.
