TIRANË, 20 dhjetor /ATSH/ – Kryeministri Edi Rama gjatë një bashkëbisedimi me studentët e Universiteti Politeknik të Fakultetit të Inxhinierisë së Ndërtimit dhe Fakultetit të Arkitekturës dhe Urbanistikës, tha se ajo çfarë po paguan dhe do të paguajë qeveria për tarifat universitare, do të bëhet publike.
“Ju dini pjesën që paguani ju, nuk dini pjesën që paguan shteti. Kjo tani do të bëhet publike, që ju ta dini sa paguan shteti. Dhe kur të flisni për qeverinë të keni më respekt, sepse ju kontribuoni për tarifat tuaja 25%, shteti paguan 75%”.
Kryeministri iu bëri me dije studentëve se tarifat universitare do të subvencionohen.
“Ka që janë pak më shumë, ka që janë pak më pak. Por tarifat as nuk përgjysmohen as nuk zerohen, tarifat vetëm mund të subvencionohen sepse janë kosto”, tha ai. /o.l/j.p/
