UASHINGTON, 19 dhjetor /ATSH-AFP/ – SHBA-ja do të bëjë lëshime për të lehtësuar ndihmën humanitare të organizatave amerikane në Korenë e Veriut, duke rishikuar me kujdes ndalimin e shtetasve amerikanë për të udhëtuar drejt këtij shteti të izoluar, njoftoi sot i dërguari special amerikan për negociatat me Phenianin.
Stephen Biegun deklaroi në momentin e mbërritjes në Seul se do të rishikonte pas kthimit të tij në Uashington kërkesën e sekretarit amerikan të Shtetit, Mike Pompeo mbi politikën e SHBA-së për ndihmën humanitare në Korenë e Veriut nga organizata amerikane private dhe fetare.
“Organizata të ndryshme të ndihmës humanitare që ushtrojnë veprimtarinë e tyre në Korenë e Veriut janë të shqetësuar pasi zbatimi rigoroz i sanksioneve ndërkombëtare mund të pengojë herë pas here ofrimin e ndihmës humanitare të ligjshme për qytetarët koreanë”, sqaroi ai./ /v.b/
