TIRANË, 15 dhjetor/ATSH/- Gjatë periudhës janar-nëntor të këtij viti në portin e Durrësit janë përpunuar 122.394 kontejnerë TEU (njësi kontejnerike) gjithsej.
Shifra e 11-mujorit të vitit 2018 është 15.731 kontejnerë më e lartë se sa e njëjta periudhë e vitit 2017-bën me dije Sektori i Statistikave në Autoritetin Portual Durrës.
Sipas të njejtit burim, numri i kontejnerëve të përpunuar për eksport arrin në 61.030 gjithsej, ndërsa ai i kontejnerëve TEU nga importi arrin shifrën 61.364.
Në periudhën janar-nëntor 2018 në kalatën 6 të terminalit të kontejnerëve janë përpunuar 167 anije të specializuara.
Gjatë së njëjtës periudhë në terminal janë përpunuar afro 1.4 milion ton mallra me kontejnerë gjithsej./k.s/ /a.g/
