TIRANË, 13 dhjetor /ATSH/ – Autoriteti Rrugor Shqiptar, njofton se janë zëvendësuar të gjitha fugat e urave, në segmentin rrugor Vorë – Fushë-Krujë.
Ky investim parashikoi zëvendësimin e fugave në urën e Vorës, në dy urat në kthesën e Prezës, si dhe fugat e urës së Gjolës.
Aktualisht po vazhdon zëvendësimi i fugave në Rrugën e Kamzës tek ura e Institutit dhe në urën e Spatharës në segmentin Shkodër (Ura e Kirit) – Mjedë.
Gjithashtu Autoriteti Rrugor Shqiptar, bën me dije gjatë ditëve të ardhshme do të vazhdojë puna edhe për riparimin e fugave në segmentin Fushë-Krujë – Milot – Lezhë, në segmentin Plepa Rrogozhinë dhe në të gjitha urat sipas kontratave përkatëse. /o.l/j.p/
