BUDAPEST, 22 nëntor /ATSH-ANSA/ – Hungaria nuk do ta ekstradojë ish-kryeministrin maqedonas, Nikola Gruevski në Maqedoni, pohoi gjatë një ndërhyrje në televizion ministri hungarez i Drejtësisë, Laszlo Trocsanyi.
Ish-kryeministri konservator maqedonas mbërriti në Hungari më 13 nëntor dhe kërkoi azil politik nga autoritetet e Budapestit për t’i shpëtuar një dënimi dyvjeçar për një çështje korrupsioni.
‘’Gruevski rrezikon jetën në vendin e tij, nuk mund të ekstradohet në këtë rast’’, tha Trocsanyi.
”Gruevski mbërriti në rrugë ligjore në Hungari”, ka theksuar nga ana e tij, ministri i Punëve të Jashtme i Hungarisë, Peter Szijjarto./ /os/ a.jor.
