ARKEOLOGJI – Një shpatë vikingësh gjendet në Turqi

ANKARA, 21 nëntor /ATSH-AA/ – Arkeologët turq kanë zbuluar një shpatë që daton para 1 000 vitesh, gjatë kërkimeve në qytetin e lashtë Patara, në provincën turistike mesdhetare Antalia, në jug të Turqisë.

Udhëheqësja e ekipit gërmues, Havva Iskan Isık nga Universiteti Akdeniz, tha se kanë identifikuar një shpatë vigingësh të shekullit IX ose X.

“Gjetja e një shpate vikingësh në një qytet port në rajonin e Mesdheut është e një rëndësie të madhe”, tha ajo.

Isık theksoi se shpata paraqet një fakt për të kuptuar mënyrën se si vikingët i kanë shërbyer Perandorisë Romake Lindore.

Gjatësia e ruajtur e shpatës është 43,2 centimetra.

Shpata gjendej brenda një këllëfi prej druri dhe, sipas kërkuesve, shpatat e vikingëve në këllëfë druri liheshin brenda varreve si dhuratë për të vdekurit./  /os/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.