UASHINGTON, 25 tetor /ATSH-ANSA/ – Një zyrë e rrjetit të njohur televiziv amerikan, CNN, në Time Warner Center, u evakua pas zbulimit të një pakoje-bombë postuar ish-drejtorit të CIA-s, John Brennan, thanë sot zyrtarë lokalë dhe të policisë në një konferencë shtypi.
Ndërkohë, shefi i CNN-it, Jeff Zucker sulmoi presidentin Donald Trump pas kësaj ngjarjeje.
“Ka një mungesë të plotë të të kuptuarit në Shtëpinë e Bardhë për seriozitetin e sulmeve të vazhdueshme në media dhe presidenti dhe sidomos zëdhënësi i Shtëpisë së Bardhë duhet të kuptojnë se fjalët peshojnë”, deklaroi Zucker.
”Për momentin ata nuk kanë treguar asnjë mirëkuptim”, shtoi ai./ /os/ a.jor.
