TIRANË, 17 tetor/ATSH/ Në nëntëmujorin e vitit 2018 eksportet e mallrave arritën vlerën 231 miliardë lekë, duke u rritur me 15.3 %, krahasuar me një vit më parë.
Sipas raportit të publikuar nga INSTAT lidhur me tregtinë e jashtme, importet e mallrave arritën vlerën 467 miliardë lekë, duke u rritur me 3.0 %, krahasuar me një vit më parë.
Deficiti tregtar për 9-mujorin arriti vlerën 235 miliardë lekë, duke u ulur me 6.7%, krahasuar me 2017.
Ndërsa lidhur me statistikat e muajit shtator, INSTAT thekson se eksportet e mallrave arritën vlerën 26 miliardë lekë, duke u rritur me 8.7 %, në krahasim me të njëjtën periudhë të një viti më parë dhe me 28.0 %, në krahasim me gusht 2018.
Importet e mallrave në shtator arritën vlerën 51 miliardë lekë, duke u ulur me 4.7 %, në krahasim me një vit më parë dhe duke u rritur me 5.5 %, në krahasim me gusht 2018.
Deficiti tregtar i këtij muaji është 25 miliardë lekë, duke u ulur me 15.6%, krahasuar me shtator 2017 dhe me 11.1 %, në krahasim me gusht 2018. /m.m/ /a.g/
