TIRANË, 1 tetor/ATSH/- Qendra shëndetësore e qytetit të Ersekës po rindërtohet për t’u kthyer në një qendër model, jo vetëm në infrastrukturë, por edhe në pajisje mjekësore të teknologjisë së lartë.
Bashkia e Kolonjës bën të ditur se “Ministria e Shëndetësisë dhe Mbrojtjes Sociale akordoi një fond prej 207 milionë lekësh për rikonstruksionin e këtij objekti, që pritet të përfundojë pas 5 muajsh”.
Sipas bashkisë, në të njëjtën kohë po punohet edhe për rikonstruksionin e Qendrës Shëndetësore Leskovik.
Deri në fund të këtij viti do të përfundojë rikonstruksioni i 80 qendrave shëndetësore në të gjithë Shqipërinë, në kuadër të programit të qeverisë për rehabilitimin e 300 qendrave shëndetësore në 4 vite./k.s/j.p/
