TIRANË,17 shtator /ATSH/ – Përgjatë javës së parë, vullnetarët e Ateliesë së Restaurimit u njohën edhe me misionin dhe aktivitetet e Institutit të Monumenteve të Kulturës, nëpërmjet prezantimeve të mbajtura nga specialistët e IMK-së.
Gjithashtu, Sektori i Qendrës Rajonale të Konservimit dhe Restaurimit për Europën Juglindore pranë IMK-së, prezantoi në mënyrë të detajuar të gjithë procesin e vënies në mbrojtje të Qendrës Historike Himarë dhe nëpërmjet vizitës në terren realizoi një prezantim të kritereve për ndërhyrje si dhe sfidat për mbrojtjen e saj.
Më tej, gjatë fundjavës aktiviteti vijoi me një tur mjaft interesant në Kalanë e Porto Palermos dhe Qytetin Antik të Butrintit, mundësuar nga Ministria e Kulturës dhe GIZ Albania./a.a/
