MOSKË, 5 korrik /ATSH-AFP/ – Grupi i miqësisë Francë-Uruguaj në Asamblenë Kombëtare përshëndeti sot ‘’ndeshjen historike’’ e parashikuar për të premten midis dy vendeve në çerekfinalen e Botërorit të futbollit, duke u shprehur që të fitojë më i miri, pasi të dyja ekipet janë me fanella ngjyrë blu.
‘’Kjo ndeshje do të shërbejë gjithashtu për të përkujtuar miqësinë mes dy shteteve tona dhe lidhjet e thella që bashkojnë popujt tanë’’, shkruan presidenti i grupit të miqësisë, deputeti MoDem Jean-Noël Barrot, si dhe nëntë parlamentarë të tjerë.
‘’Përtej paraqitjes së Edinson Cavani në Paris-Saint-Germain, ku është golashënuesi më i mirë i të gjitha kohërave, kujtojmë se Uruguaji i ka dhënë Francës Supervielle, Laforgue dhe Lautréamont, të cilët janë të mirëpozicionuar në panteonin e poezisë franceze.
Blutë do të përballen me Uruguajin në çerekfinalen e Botërorit 2018, të premten në Nijni Novgorod.
Anëtarët e grupit të miqësisë parlamentare kujtojnë më tej se gjuha franceze ishte deri në vitet 1990 gjuha e parë e huaj e detyrueshme në shkollë, apo aleancën midis Instituteve Pastor të Parisit dhe Montevideos për kërkime kundër kancerit dhe sëmundjeve të sistemit nervor janë një model i bashkëpunimit shkencor ndërkombëtar./
/v.b/
