TIRANË, 8 qershor/ATSH/.- Bashkia e Kukësit përfundoi punimet për rikthimin në normalitet e të qarkullueshme për mjetet të akseve rrugore në Njësitë Administrative Zapod e Grykëcaje.
Prej dy ditësh mjetet e bashkisë punuan për riparimin e dëmeve të shkaktuara nga reshjet e dendura të shiut e rrebesheve, mbrëmjen e 5 qershorit, në këto dy njësi.
Si pasoje e reshjeve të shumta u bllokuan akset kryesore në Përroin e Madh, pranë HEC-eve e Orgjostit në të cilin u zhvendosën qindra metërkub inerte.
Edhe në Njësinë Administrative Grykëcaje u punua në të gjithë gjatësinë e rrugës, që lidh fshatin Bushtricë me fshatin Caje, duke nisur me përroin e Gjicit e me radhë./k.s/ /a.g/
