PRISHTINË, 23 Maj/ATSH/.- Kryetari i komunës së Gjilanit, Lutfi Haziri gjatë një takimi sot me komandantin e Detashmentit të Përbashkët Rajonal të Jugut, kolonelin Cen Sinan Barim, cili është edhe komandant i kontingjentit turk në kuadër të KFOR-it, biseduan për rritjen e bashkëpunimit në të ardhmen.
Koloneli Barim duke e cilësuar Gjilanin si shembull të bashkëjetesës dhe tolerancës mes komuniteteve, ka njoftuar se së shpejti do të sjell një donacion me disa kompjutera për shkollën fillore “Rexhep Elmazi”, të cilat do t’i shërbejnë nxënësve për mbarëvajtjen sa më të mirë të procesit mësimor.
Kryetari Haziri, nga ana e tij, e falënderoi kolonelin Barim për donacionin dhe mbështetjen e vazhdueshme në aspektin e sigurisë, ndërsa theksoi se ndihet i lumtur që në Gjilan diversiteti kulturor, fetar dhe etnik konsiderohet si vlerë./k.s/
