UASHINGTON, 16 prill /ATSH-DPA/ – Të paktën shtatë persona kanë vdekur dhe 17 të tjerë janë plagosur pas trazirave dhe zënkave në një burg të sigurisë së lartë në Karolinën e Jugut, njoftuan zyrtarët.
“Dhuna filloi në Institutin Korrektues Lee në Bishopvil në orën 19:15 (23:15 GMT) të dielën”, njoftoi Departamenti i Korrektimeve në Karolinën e Jugut.
Situata u vu nën kontroll vetëm të hënën në orën 02:55, rreth tetë orë më pas.
“Ky incident përfshiu shumë të burgosur në këtë grindje mes të burgosurve në tre njësi pritëse”, njoftuan në Twitter zyrtarët e burgut, duke shtuar se të gjithë oficerët dhe stafi janë të padëmtuar.
Instituti Korrektues Lee, mban rreth 1 500 të burgosur meshkuj të rritur, të cilët konsiderohen të rrezikshëm dhe kriminelë të dhunshëm. /G.S/ a.jor.
