NJU JORK, 13 prill /ATSH-DPA/ – SHBA-ja vlerëson se lideri sirian, Bashar Al Asad ka përdorur armë kimike të paktën 50 herë që prej fillimit të konfliktit, sipas ambasadores amerikane në OKB, Nikki Haley.
“Përdorimi kohët e fundit të gazit helmues kundër banorëve të Dumas nga Presidenti sirian, Bashar Al Asad, nuk ishte hera e parë, e dytë apo e tretë madje as përdorimi i 49-të i armëve kimike”, tha ajo në Këshillin e Sigurimit.
“Megjithatë SHBA-ja ende nuk ka vendsour për veprimet në Siri”, deklaroi Haley në Këshillin e Sigurimit.
Rusia e kërkoi këtë mbledhje urgjente për të diskutuar kërcënimin për sulm ushtarak nga SHBA-ja dhe aleatët e saj Franca dhe Britania e Madhe si përgjigje ndaj sulmit të pretenduar me armë kimike në Duma, në Siri fundjavën e kaluar. /G.S/
