KABUL, 12 prill /ATSH-AFP/ – Një guvernator i një distrikti afgan dhe të paktën gjashtë policë u vranë sot gjatë një sulmi nga ana e talebanëve, i pari prej disa javësh, njoftuan zyrtarë lokalë.
Disa të dhëna të tjera të raportuara në media bëjne me dije për më shumë se 12 të vdekur në këtë sulm i cili zgjati më shumë se tre orë, në provincën e Ghaznit (juglindje).
Sipas zyrtarit afgan, Aref Noori, i kontaktuar nga media, talebanët kanë nisur një sulm ndaj selisë të guvernatorit të distriktit të Khwaja Omari, mes orës 02:00 dhe 05:30.
”Shtatë persona u vranë, përfshirë guvernatorin e distriktit, Ali Doms Shams dhe gjashtë policë. Nëntë të tjerë, të gjithë anëtarë të shërbimeve sekrete afgane, u plagosën”, shtoi ai./ /v.b/ a.jor.
