TIRANË, 11 prill/ATSH/- Një ndeshje e lehtë dukej ajo mes Realit të Madridit dhe Juventusit duke marrë parasysh rezultatin e ndeshjes së parë 3 me 0 në favor të ekipit madrilen, por nuk rezultoi e tillë.
Ekipi nga Torino tregoi karakter në ndeshjen e kthimit në “Santiago Bernabeu”, duke ja vështirësuar së tepërmi kualifikimin Real Madridit, i cili u kualifikua me anë të një 11 metërshi mjaftë të dyshimtë.
Ishte portugezi Ronaldo i cili shndërroi një aksion pa shumë pretendime në minutat shtesë të takimit në një biletë kualifikimi për ekipin e tij, duke ekzekutuar me mjeshtëri penalltinë e fituar nga Lucas Vazquez.
Edhe pse Juventus shënoi me anë të kroatit Mario Mandzukic dhe Matuidi kjo nuk mjaftoi për të arritur kualifikimin e skuadrës së Alegrit./e.caushi/
