TIRANË, 23 Mars/ATSH/.- Shteti është në krye të detyrës për të përballuar situatën e përmbytjeve në Shkodër.
Ministri për Evropën dhe Punët e Jashtme, Ditmir Bushati dhe ministrja e Mbrojtjes, Olta Xhaçka inspektuan sot zonat e përmbytura në Shkodër
Ministrat ndaluan në fshatin Dajç ku takuan banorët.
“Shteti është në krye të detyrës. Po ndjekim situatën dhe kemi marrë masa për jetën e njerëzve dhe gjësë së gjallë”, tha Bushati.
Ndërsa ministrja Xhaçka theksoi se FA janë prezente në këto zona që nga dita e parë.
“Nevojitet koordinim institucional me pushtetin lokal. Pritet të mbërrijnë 300 ton koncentrat për bagëtinë”, tha ajo.
I pranishëm në këto inspektime ishte dhe deputeti demokrat, Romeo Gurakuqi. Ai vlerësoi punën e Ushtrisë dhe Policisë./m.m/
