TIRANE, 23 Mars /ATSH/- Autoriteti Rrugor Shqiptar dhe kompanitë e mirëmbajtjes po ndërhyjnë për pastrimin e nyjeve dhe akseve kombëtare nga dëbora.
Ministri i Infrastrukturës dhe Energjisë Damian Gjiknuri, ka publikuar disa foto në rrjetin social Facebook, ku tregohet ndërhyrja në terren me makineri e pajisje për pastrimin e rrugëve nacionale në veri të vendit nga dëbora.
Si dhe akset rrugore të pastruara dhe nuk paraqesin problem në qarkullimin e automjeteve.
Prej mbrëmjes së të enjtes, pjesa verilindore e vendit është përfshirë nga reshje bore me intensitet mesatar.
Sipas Autoritet Rrugor të gjitha akset nacionale duke filluar nga Rruga e Kombit nuk kanë probleme në qarkullim dhe funksionojnë normalisht. Policia rrugore e patrullimit të autostradës ka ngritur postoblloqe në disa segmenete duke këshilluar drejtuesit e automjeteve dhe kontrolluar për pajisjet dimërore.
Me zinxhirë qarkullohet në segmente të veçantë si aksi Kolsh-Qaf-Shllak, aksi rrugor Ura e Zapodit-Shishtavec.
Firmat po punojnë me kapacitetet e plota për mbajtjen në gatishmëri të akseve rrugore. Sipas ARRSH-së, edhe rrugët rurale në këto zona janë të qarkullueshme.. e.xh/ /a.g/
