BERLIN, 18 mars /ATSH-DPA/ – Sulmi kibernetik kundër rrjetit kompjuterik të qeverisë gjermane, që ndodhi rreth tre javë më parë, është izoluar krejtësisht, deklaroi sot një zëdhënëse e Ministrisë gjermane të Punëve të Brendshme.
“Sulmuesit janë izoluar dhe hakimi vazhdoi nën mbikëqyrjen e autoriteteve, për aq kohë sa e lejuan shërbimet gjermane të sigurisë”, theksoi ajo.
Dyshohet se mbrapa këtij sulmi janë hakera të lidhur me shërbimet sekrete ruse.
Kur ky sulm u zbulua, ministri i Brendshëm i asaj kohe, Thomas de Maiziere, e quajti atë një incident serioz, por theksoi gjithashtu se u vu lehtësisht nën kontroll./G.S/
